| 今日係2008年既最後一日~都係我呢年最後一篇日記... 呢排都係如常返工放工返屋企...真係悶透... 今晚我選擇唔出街玩...係屋企渡過... 希望2009年生活得會充實d~開心d~事業有成啦...哈 1月又黎啦~又係好多朋友仔既生日來臨... 荷包又要經起考驗了... 希望大家今晚玩得開心d~玩埋我果份... 2009年所以朋友仔都快快樂樂咁生活~!!! |
| |
| 連續放兩日孖days~終於覺得咩係放假... 今日點幾鐘被人嘈醒左...叫左出去電腦展... 搞搞下4點幾先到去囉...吹脹 真係超人山人海~仲慘過過年行年宵... 最終破費了5千幾大元殺左唔少戰利品... 都係怪屋企部腦屎左先要出去買過部新... 今日真係一日遊~旺角~深水步~銅鑼灣~灣仔先搞得齊晒d野 係屋企仲要整左2個鐘先set好晒d野~真係唔該晒跳跳幫我....thx 聽日又要返工lu~咁凍叫人點返工呀??? |
| |
| 唉~個幾月又冇打日記lu... 呢排發生左好多野~但係冇咩心機會打出黎... 黎黎去去咪又係返工放工... 有時落酒吧飲酒~吹下水~打下機~日復日都係咁... 最叻果次係波子生日落左youtoo玩... 今晚去左釣墨魚咁囉... 又係駛錢駛到唔停~shit 真係越窮越見鬼呀...下個月真係唔知點算... |
| |
| 唉~超耐都冇打過日記lu... 都係越黎越唔知想打d乜野落黎~ 定係冇咩事值得去記住呢? 呢個幾月都係返工返工再返工... 放假都係例行係屋企訓屎... 10月10號係o靚妹結婚大日子... 前果晚仲同威仔佢地成班去左bbq~燒通頂tim... 雖然果日真係冇得訓...但係做兄弟係值得既... 我仲撞番5年前失去左既cc tim~我發覺我真係仲好掛住佢... 呢排係咁搵番佢~好想同佢繼續未了情...哈哈 唔知係我想得太多定係上天俾我既考驗... 我覺得我出現既時間真係好唔岩... 都唔知同佢有冇可能再度發展啦... 點都好~我都一定唔會再放手俾佢走... 呢排個市係咁跌~搞到個個經濟都唔掂... 因此我都唔敢再諗轉工呢個問題... 洗錢容易搵錢難...呢個道理我終於親身經歷過啦~ 不過有酒今朝醉係無錯既... 做人最緊要係開心~珍惜眼前人... |
| |
| 唔知你既近況係如何... 咁耐不見~唔知你係肥左定瘦左... 我估九成係殘左...XDDD 不過都係果句啦~ 仲當我係朋友的話~記住咩事都同我講... 有d咩野事我都會盡力去幫既~幫唔到都諗辦法去幫... 所以有咩事一定一定要同我講呀... |
| |
